Mamachya gavala Jauya

झुक झुक झुक झुक अगीनगाडी
धुरांच्या रेघा हवेत काढी
पळती झाडे पाहूया
मामाच्या गावाला जाऊया…

मामाचा गाव मोठा
सोन्याचांदीच्या पेठा
शोभा पाहुन येऊया
मामाच्या गावाला जाऊया…

मामाची बायको गोरटी
म्हणेल कुठली पोरटी
भाच्यांची नावे सांगूया
मामाच्या गावाला जाऊया…

मामाची बायको सुगरण
रोज रोज पोळी शिकरण
गुलाबजामुन खाऊया
मामाच्या गावाला जाऊया…

मामा मोठा तालेवार
रेशीम घेईल हजार वार
कोट विजारी घेऊया
मामाच्या गावाला जाऊया…
_ग. दि. माडगूळकर

Jhuk Jhuk Jhuk Jhuk agingadi
Dhuranchya regha havet kadhi
Palati jhade pahuya
Mamachya gavala Jauya…

Mamacha gav motha
Sonyachandichya petha
Shobha pahuni gheuya
Mamachya gavala Jauya…

Mamachi bayako gorati
Mhanel kuthali porati
Bhachyanchi nave sanguya
Mamachya gavala Jauya…

Mamachi bayako sugaran
Roj roj poli shikaran
Gulabajaman khauya
Mamachya gavala Jauya…

Mama motha talevar
Reshim gheyil hajar var
Kote vijari leuya
Mamachya gavala Jauya…
_G. D. Madgulkar

---

Chandoba Chandoba bhaglas ka

चांदोबा चांदोबा भागलास का,
लिंबोणीच्या झाडा मागे लपलास का,
लीम्बोनीच झाड करवंदी,
मामाचा वाडा चीरवंदी

आई बाबांवर रुसलास का,
कशास एकटा बसलास का,
आता तरी परतून जाशील का,
दुध न शेवया खाशील का

चांदोबा चांदोबा भागलास का,
लिंबोणीच्या झाडा मागे लपलास का,
लीम्बोनीच झाड करवंदी,
मामाचा वाडा चीरवंदी

आई बिचारी रडत बसे,
बाबांचा पारा चढत असे,
असाच बसून राहशील का,
बाबांची बोलणी खाशील का,

चांदोबा चांदोबा भागलास का,
लिंबोणीच्या झाडा मागे लपलास का,
लीम्बोनीच झाड करवंदी,
मामाचा वाडा चीरवंदी
_ग. दि. माडगूळकर

Chandoba Chandoba bhaglas ka,
Limbonichya jhada mage lapalas ka,
Limboniche jhad karavandi,
Mamacha vada chiravandi

Aai babanvar rusalas ka,
Kashas ekata baslas ka,
Ata tari paratun jashil ka,
Dudh na shevaya khashil ka

Chandoba Chandoba bhaglas ka,
Limbonichya jhada mage lapalas ka,
Limboniche jhad karavandi,
Mamacha vada chiravandi

Aai bichari radat base,
Babancha para chadhat ase,
asach basun rahashil ka,
Babanchi bolani khashil ka

Chandoba Chandoba bhaglas ka,
Limbonichya jhada mage lapalas ka,
Limboniche jhad karavandi,
Mamacha vada chiravandi
_G. D. Madgulkar

---

Kashasathi Potasathi  by Madhav Julian

कशासाठी पोटासाठी
खंडाळ्याच्या घाटासाठी

चला खेळू आगगाडी,
झोका उंच कोण काढी?
बाळू, नीट कडी धर
झोका चाले खाली वर
ऐका कुकुक्‌ शिट्टी झाली
बोगद्यात गाडी आली

खडखड भकभक
अंधारात लखलख
इंजिनाची पहा खोडी
बोगद्यात धूर सोडी
नका भिऊ थोड्यासाठी
लागे कुत्रे भित्यापाठी

उजेड तो दूर कसा
इवलासा कवडसा
नागफणी डावीकडे
कोकण ते तळी पडे
पाठमोरी आता गाडी
वाट मुंबईची काढी

खोल दरी उल्लासाची
दो डोक्यांचा राजमाची
पडे खळाळत पाणी
फेसाळल्या दुधावाणी
आता जरा वाटे दाटी
थंड वारा वरघाटी

डावलून माथेरान
धावे गाडी सुटे भान
तारखांब हे वेगात
मागे मागे धावतात
तार खाली वर डोले
तिच्यावर दोन होले

झाडी फिरे मंडलात
रूळ संगे धावतात
आली मुंबई या जाऊ
राणीचा तो बाग पाहू
गर्दी झगमग हाटी
कशासाठी? पोटासाठी!

---

Sang Sang Bholanath

सांग सांग भोलानाथ,
पाऊस पडेल काय?
शाळेभोवती तळे साचून,
सुटटी मिळेल काय?

भोलानाथ दुपारी आई झोपेल काय?
लाडू हळूच घेताना आवाज होईल काय?
भोलानाथ… भोलानाथ…

भोलानाथ, भोलानाथ.. खरं सांग एकदा
आठवडयातन रविवार, येतील का रे तीनदा?
भोलानाथ… भोलानाथ…

भोलानाथ उद्या आहे, गणिताचा पेपर
पोटात माझ्या कळ येऊन दुखेल का रे ढोपर?
भोलानाथ… भोलानाथ…
_मंगेश पाडगांवकर

Sang sang bholanath,
paus padel kay?
Shalebhowati tale sachun,
Sutti milel kay?

Bholanath dupari aai zopel kay?
Ladu haluch ghetana aawaz hoiel kay?
Bholanath… Bholanath…

Bholanath, bholanath.. khar sang ekda
Athwadyatun raviwar yetil ka re tinda?
Bholanath… Bholanath…

Bholanath udya ahe ganitacha paper
Patat majhya kal yeun dukhel ka re dhopar?
Bholanath… Bholanath…
_Mangesh Padgaonkar

---

Gori Gori Pan Lyrics

गोरी गोरीपान फुलासारखी छान
दादा मला एक वहिनी आण

गोऱ्या गोऱ्या वहिनीची अंधाराची साडी
अंधाराच्या साडीवर चांदण्यांची खडी
चांदण्यांच्या पदराला बिजलीचा बाण!

वहिनीला आणायाला चांदोबाची गाडी
चांदोबाच्या गाडीला हरणांची जोडी
हरणांची गाडी तुडवी गुलाबाचे रान!

तुला दोन थापा, तिला साखरेचा पापा
बाहुल्यांच्या परी होऊ दोघी आम्ही सान!

---

Ae Aai Mala Pawasat Jau De

ए आई मला पावसात जाउ दे
एकदाच ग भिजुनी
मला चिंब चिंब होउ दे

मेघ कसे बघ गडगड करिती
वीजा नभांतुन मला खुणविती
त्यांच्यासंगे अंगणात
मज खूप खूप नाचु दे

बदकांचा बघ थवा नाचतो
बेडुकदादा हाक मारतो
पाण्यामधुनी त्यांचा मजला
पाठलाग करु दे

धारेखाली उभा राहुनी
पायाने मी उडविन पाणी
ताप, खोकला, शिंका,
सर्दी, वाट्टेल्‌ ते होऊ दे

---

Ivalya Ivalyasha

इवल्याइवल्याशा
टिकल्याटिकल्यांचें
देवाचे घर बाई, उंचावरी
ऐक मजा तर ऐक खरी

निळीनिळी वाट
निळेनिळे घाट
निळ्यानिळ्या पाण्याचे
झुळुझुळु पाट
निळ्यानिळ्या डोंगरांत
निळीनिळी दरी

चांदीच्या झाडांना
सोन्याची पानें
सोनेरी मैनेचें
सोनेरी गाणें
सोन्याची केळीं
सोन्याचा पेरू
सोनेरी आंब्याला
सोन्याची कैरी

---

Ek Hoti Aaji

एक होती आजी
शोधू लागली भाजी

परसात होता भोपळा
वेलीवरती झोपला

आजीला हवासा वाटला
हळूच देठ कापला

घरात आली आजी
भोपळ्याची केली भाजी

भाजी घेतली ताटात
भोपळा गेला पोटात

---

Majhi Bahuli Chakuli

बाहुली माझी धाकुली
नाव तिचे छकुली

रंग तिचा कसा?
गोरा गोरा पान
हात-पाय मऊ किती?
छान छान छान

केस तिचे कसे?
काळे काळे काळे
डोळे तिचे कसे?
निळे निळे निळे

ओठ बघा किती
लाल लाल लाल
बाळासंगे छकुली
चाल चाल चाल

---

Ek Hota Sasa

एक होता ससा
सांगा पाहू कसा?
पांढरा पांढरा रंग
अन मऊ मऊ अंग

मोठे मोठे कान
लाल लाल डोळे छान
काय बरे खातो?
लठ्ठ मात्र दिसतो

असा हा ससा
धीट नाही तसा
चाहूल लागता पळतो
झाडा झुडपात लपतो

तुरु तुरु ह्याची चाल
पहाल तर थक्क व्हाल
असा हा ससा
ह्याला खूप खूप हसा